कञ्चनपुरको बेलौरीबाट लागूऔषध सहित २ जना पक्राउ परेका छन । बिहिबार इलाका प्रहरी कार्यालय बेलौरीबाट खटिएको प्रहरी टोलीले बेलौरी नगरपालिका – ७ पौलाहबाट लागूऔषध सहित २ जनालाई पक्राउ गरेको हो ।
प्रहरीका अनुसार शंका लागि सुपप्र ०१–००९ प ५५३३ नम्बरको मोटरसाइकललाई चेकजाँच गर्दा कृष्णपुर नगरपालिका – ९ का २६ वर्षीय सुमेर राम राना र २४ वर्षीयप्रदिप राना पक्राउ परेका हुन ।
उनीहरुको साथबाट २.५८ ग्राम लागू औषध खैरो हेरोईन जस्तो देखिने धुलो पदार्थ बरामद गरिएको प्रदेश प्रहरी कार्यालय धनगढीले जनाएको छ ।
प्रहरीले मोटरसाइकल पनि नियन्त्रणमा लिएर अनुसन्धान गरिरहरेको छ ।
