धनगढी – कैलालीको धनगढीमा मालवाहक ट्रक भित्र एक पुरुषको शव फेला परेको छ ।
बिरगञ्जबाट आएको सुपप्र ०१००१ ख २४४२ नम्बरको ट्रकको सामान अनलोड गर्ने क्रममा शव फेला परेको कैलालीका प्रमुख प्रहरी उपरीक्षक(एसपी) पदमबहादुर बिष्टले जानकारी दिएका छन ।
उनकाअनुसार शव फेला परेपछि ट्रक चालक कञ्चनपुरको वेदकोट नगरपालिका–९ का ३८ वर्षीय लबिन्द्र राना र सहचालक २२ वर्षीय ओमप्रकाश रानालाई नियन्त्रणमा लिइएको छ ।
उनीहरुले ट्रकमा भेटिएको शवबारे कुनै जानकारी नभएको र सामान अनलोड गर्ने क्रममा मात्र देखेको बयान प्रहरीलाई दिएका छन् । पहिचान खुल्न नसकेको शव सेती प्रादेशिक अस्पतालमा राखिएको छ ।
