धनगढी – डोटीको पूर्वीचौकी गाउँपालिका वडा नम्बर ५ उपरकाँडामा बस्ने एक पुरुषले धारिलो हतियार प्रहार गरी श्रीमतीको हत्या गरेका छन्।
।बुधबार दिउँसो करिब तीन बजेको समयमा पूर्वीचौकी गाउँपालिका ५ उपरकाँडा बस्ने अन्दाजी ५० वर्षीया पदी साउँदले आफ्नै घरको आँगनमा अन्दाजी ४५ वर्षकी श्रीमती नरु साउँदलाई हँसिया प्रहार गरी हत्या गरेका हुन् ।
स्थानीयले घटनाबारे सानागाउँ प्रहरी चौकीलाई खबर गर्ने बित्तिकै प्रहरी सहायक निरीक्षक ईश्वरीदत्त पाण्ड्येको टोली घटनास्थल पुगी पदी साउँदलाई नियन्त्रणमा लिएको जिल्ला प्रहरी कार्यालय डोटीले जनाएको छ ।
घटनाको थप अनुसन्धानका लागि जिल्ला प्रहरी कार्यालय डोटीका प्रहरी नायब उपरिक्षक भिमलाल भट्टराईले पोस्टमार्टमका लागि जिल्ला अस्पताल डोटी लिएको बताए ।
