बैतडी – मंगलबार बिहान बैतडीमा जिप दुर्घटना हुँदा घाइते भएकी एक महिलाको मृत्यु भएको छ । सुर्नया गाउँपालिका – ८ मा भएको जिप दुर्घटनामा घाइते भएकी सुर्नया गाउँपालिका–८ की १८ वर्षीया सविना महराको मृत्यु भएको हो ।
सुदूरपश्चिम प्रदेश ०१००ज १३५४ नम्बरको जिप मंगलबार दुर्घटनामा परेर गम्भीर घाइते भएकी महराको धनगढीमा उपचारकै क्रममा मृत्यु भएको आफन्तले जानकारी दिएका छन । जिप दुर्घटना परी घाइते भएका अन्य चार जना उपचारपछि घर फर्किएका छन्।
अन्य घाइते हुनेमा चालक सुर्नया गाउँपालिका–७ का लालबहादुर कुँवर, सुर्नया–८ का २१ वर्षीय कृष्ण मडै, सोही ठाउँका ४५ वर्षीय मानबहादुर महरा र ४० वर्षीय धनबहादुर महरा रहेका छन । उनीहरु डडेल्धुरामा उपचार भएपछि घर फर्किएका हुन्।
