धनगढीमा प्रज्ञा उत्सव साधना हुँदै

कैलाली –धनगढीमा प्रज्ञा उत्सव साधना हुने भएको छ । सेलिब्रेसन मेडिटेसनको आयोजनामा कैलालीको धनगढीमा दुई दिने साधना कक्षा हुने भएको हो ।
बुधबार आयोजित पत्रकार भेटघाट कार्यक्रममा संयोजक रञ्जन शर्माले साधनाको लागि सबै तयारी भइसकेको जानकारी दिएका छन् ।
उनका अनुसार आगामी २८ र २९ गते धनगढीस्थित सौराई पार्टी प्यालेसमा प्रज्ञा उत्सव साधनाको आयोजना गर्न लागिएको हो । २८ गते बिहान ७ बजेबाट सुरु भएको कार्यक्रम साझ ५ . ३० बजेसम्म जारी रहने छ ।
खाजा र खानको पनि व्यवस्था गरिएको साधनामा प्रत्येक व्यक्तिसँग २ हजार ५ सय रुपैयाँ शुल्क निर्धारण गरिएको छ । प्रज्ञा उत्सव साधनामा करिब ७५ जना सहभागी हुने आयोजनाले अपेक्षा राखेको जनाएको छ ।