काठमाण्डौ – नेपाल एअरलाइन्सको न्यारोबडी जहाजले काठमाण्डौ–भैरहवा उडान गरेको छ । काठमाण्डौबाट १ सय ५८ जना यात्रु लिएर उडेको न्यारोबडी जहाज दिउँसो १२ बजेर ५५ मिनेटमा गौतम बुद्ध अन्तर्राष्ट्रिय विमानस्थल भैरहवामा अवतरण भएको हो ।
निगमले गएको सोमवार काठमाडौ–भैरहवाको लागि टिकट खुलाएकोमा अर्को दिन बिहानै बिक्री भइसकेको थियो ।
सडक खराब हुँदा धेरै मानिस हवाई यात्रा गर्न बाध्य छन् । तर हवाइजहाजको टिकट पनि नपाएको र धेरै महँगो भएको गुनासोलाई केही हदसम्म सम्बोधन गर्न नेपाल एअरलाइन्सले विदेशमा उडान गर्दै आएको जहाजमार्फत भैरहवामा एउटा उडान गरेको हो । काठमाण्डौबाट भैरहवाको लागि भाडादर ७ हजार रुपैयाँ रहेको थियो ।
