कैलाली- एसपीए कैलाली प्रिमियर लिग एसपीए केपीएल आगामी माघमा हुने भएको छ । कैलाली जिल्ला क्रिकेट संघको आयोजनामा सञ्चालन हुने अन्तरपालिका टी(२० क्रिकेट प्रतियोगिता कैलाली प्रिमियर लिगको टाइटल स्पोन्सरको रूपमा एसपीए कलेजले सहकार्य गर्ने भएको छ ।
यो प्रतियोगिताको तेस्रो संस्करणका लागि मंगलबार एसपीए कलेजका प्रबन्ध निर्देशक सुवाश शाही र जिल्ला क्रिकेट संघ कैलालीका अध्यक्ष विक्रम विष्टबीच औपचारिक सम्झौता सम्पन्न भएको हो । सम्झौताअनुसार एसपीए कलेजले लगातार तीन वर्षका लागि केपीएलको मुख्य प्रायोजन गर्नेछ ।
कैलालीमा क्रिकेट खेलको प्रवर्द्धन र खेलाडीहरूको स्तर वृद्धिमा एसपीए केपीएलले उल्लेखनीय योगदान पुर्याउँदै आएको छ ।
