सुर्खेतको पञ्चपुरी नगरपालिका ५ बाबियाचौरदेखि कैलालीको चिसापानी जाँदै गरेको जीप दुर्घटना हुँदा १४ जना घाइते भएका छन् । आज बिहान करिब ११ बजेको समयमा सु प प्र ०१ ००१ ज १५०७ न. जीप बाबियाचाैर काे देउराली नजिकै दुर्घटना भएको हाे । दुर्घटनामा घाइते हुनेहरूमा कैलाली जिल्ला जानकी गाउँपालिका वडा नम्बर ९ को दीपबहादुर शाही, पञ्चपुरी नगरपालिका वडा नम्बर ५ सुर्खेतका पार्वती घर्ती मगर, पञ्चपुरी ५ सुर्खेतका वर्षा सुनार, पञ्चपुरी नगरपालिका वडा नं ८ का शिवराज सुनार, पञ्चपुरी नगरपालिका वडा नम्बर ५ का नरबहादुर देउवा, पञ्चपुरी नगरपालिका वडा नम्बर २ का भावना रोकाय, दैलेख जिल्ला दुल्लु नगरपालिका ३ का प्रकाश महत, कैलाली जिल्ला घोडाघोडी नगरपालिका ७ का खगेन्द्र कँडेल, कैलाली जिल्ला घोडाघोडी नगरपालिका ७ का सन्तोष धामी निजको श्रीमती सरस्वती धामी, डडेलधुरा जिल्ला परशुराम नगरपालिका गणेशप्रसाद जैसी रहेका छन ।
त्यसैगरी कैलाली लम्कीचुहा नगरपालिका ८ का सृष्टि घिमिरे लम्कीचुहा नगरपालिका ८ का टिका घिमिरे र गाडीचालक कैलाली जिल्ला जानकी गाउँपालिका ९ का केशव खड्का घाइते भएको इलाका प्रहरी कार्यालय बाबियाचौरले जनाएको छ। घाइतेमध्ये दीपक बहादुर शाही र पार्वती घर्ती मगरलाई थप उपचारका लागि कैलाली रिफर गरिएको छ भने अन्यलाई सामान्य उपचारपछि घर पठाइएको छ।
