अत्तरिया( कैलाली र कञ्चनपुरबाट लागुऔषधसहित ६ जना पक्राउ परेका छन् । प्रहरीले दुबै जिल्लाबाट ३३ जना पक्राउ गरेको हो ।
जिल्ला प्रहरी कार्यालय कञ्चनपुर र लागुऔषध नियन्त्रण ब्युरो शाखा कार्यालय महेन्द्रनगरबाट संयुक्त खटिएको प्रहरी टोलीले भीमदत्त नगरपालिका(४ ओपेरा होटेल पछाडि खोपा छाप्राबाट सोही छाप्रामा बस्ने २६ वर्षीय अमित खत्री, २१ वर्षीय चक्रबहादुर सुनार र वेदकोट नगरपालिका(७ सुडा बस्ने २१ वर्षीय नवीन डगौरालाई पक्राउ गरेको हो ।
लागुऔषधको कारोबार गरिरहेको भन्ने गोप्य सूचनाको आधारमा खोपा छाप्रामा चेकजाँज गर्दा उनीहरुलाई शनिबार घरभित्र खाल्डो खनेर कालो प्लाष्टिकमा लुकाई छिपाई राखेको अवस्थामा फेनारगन ३९ पिस, एम्पुल ४२ पिस र सिरिञ्ज ३ पिस बरामद गरी नियन्त्रणमा लिएको छ ।
यस्तै, जिल्ला प्रहरी कार्यालय कैलालीबाट खटिएको टोलीले धनगढी(१२ पट्रीघाटबाट सुपप्र ०१(०१२ प ३७४ नम्बरको मोटरसाइकललाई चेकजाँच गर्दा धनगढी(७ बस्ने २३ वर्षको भजौरा राना र २४ वर्षको प्रकाश रानालाई २४० मिलिग्राम लागुऔषध खैरो हिरोइन जस्तो देखिने धुलो पदार्थ फेला पारी मोटरसाइकलसहित दुवै जनालाई नियन्त्रणमा लिएको छ ।
शनिबार नै जिल्ला प्रहरी कार्यालय कैलालीबाट खटिएको टोलीले पट्रीघाटबाटै सुपप्र ०१(०१० प ९६८१ नम्बरको मोटरसाइकललाई चेकजाँच गर्दा धनगढी(८ धनगढीगाउँ बस्ने २८ वर्षको सुरेन्द्र रानालाई ५१० मिलिग्राम लागुऔषध खैरो हिरोइन जस्तो देखिने धुलो पदार्थ फेला पारी नियन्त्रणमा लिएको छ ।
पक्राउ परेका ६ जनामाथि नै थप अनुसन्धान भइरहेको प्रदेश प्रहरी कार्यालय धनगढीले जनाएको छ ।
