‘अस्पताल नपाएर आँखै अगाडी तड्पिँदै बिरामी मर्नुपरेको देख्दा असह्य पिडा हुनेथ्यो,उनले भने,‘घना जङ्गलबिचको बस्ती फुलवारिमा त्यतीबेला स्वास्थ्य उपचारको कुनै सुविधा थिएन । उनी अर्थात् बलराम चौधरी जो, धनगढी उप–महानगरपालिका १९ फूलबारी पच्चिसघरमा ४० वर्ष देखि स्वास्थ्य सेवा दिँदै आइरहेका छन् ।
फुलवारिमा स्वास्थ्य सेवा नहुँदा तिनै बलराल भारत पुगेर आयुर्वेद रत्न अध्ययन गरेर फर्किए । त्यसपछि फुलवारिमा उनले १४ सयको औषधीबाट स्वास्थ्य उपचार सुरु गरे । बिरामीहरू उनले दिएको औषधीले निको भएर फर्किन्थे ।
‘त्यतीबेला त्यो क्षेत्रमा स्वास्थ्य सेवाको लागी कुनै मेडिकल,स्वास्थ्य चौकी तथा अस्पताल केही थिएनन्,उनले भने,‘पुलवारिका नागरिकलाई स्वास्थ्यको पहुँचमा पु¥याउन अहोरात्र खटिरहेको छु।’
। २०३९ सालमा उनी सरकारी जागिरे भए । १० वर्ष उनले गाविस सचिव बनेर जनतालाई सेवा दिन अग्रसर भए । त्यो अवधिमा उनले कैलालीका तीन गाविसको जिम्मेवारी पाए ।
त्यतीबेला उनले व्यवसायीक रूपमै ०४२ साल देखी पुष्प मेडिकल सञ्चालनमा ल्याइसकेका थिए ।
लगत्तै उनी स्थानीय बहुमुखी विकास कार्यकर्ता गाउँ पञ्चायत मार्फत गाविसहरूमा काम गर्ने अवसर पाए । ०४४ कार्तिक १८ गते उनीमाथि भ्रष्टाचारको आरोप लागेपछि उनी निलम्बनमा परे । त्यो अवधिमा पनि उनले मेडिकल मार्फत निरन्तर नागरिकहरूलाई सेवा लिइरहे । भ्रष्टाचारको मुद्रामा निर्दोष ठहरिएपछि ०५४ मङ्सिर २ गते फेरी उनको पुनर्बहाली भयो । जनताको मन जितिसकेका उनलाई जनताले चुनाव पनि जिताए उनले वडाध्यक्ष बनेर पनि नागरिकको सेवा गरे ।
त्यसपछि उनले स्थानीय चुनाव हुने बेला सम्म कैलारी गाउँपालिकाको निमित्त कार्यकारी अधिकृत भएर काम गरे ।
‘मैले यो अवधिमा गाविस सचिव देखी निमित्त कार्यकारी अधिकृत बनेर काम गर्ने अवसर पाए यो मेरा लागी निकै गौरवको कुरा हो,बलरामले भने,‘अहिले पुष्प मेडिकलबाट जनतालाई सेवा दिइरहेको छ,यो क्षेत्रमा सबै भन्दा पुरानो मेडिकल हो,यहाँ आउने सेवाग्राहीलाई सन्तुष्ट पारेर फर्काइरहेको छु।’
२०३७ सालमा १४ सयको औषधीबाट सुरु गरीएको मेडिकलमा अहिले ३० लाख लगानी पुगिसकेको छ। उनका दुवै छोराहरू पनि सरकारी स्वास्थ्य संस्थामा डाक्टरको भूमिकामा छन् ।