आसन्न स्थानीय तहको निर्वाचनका लागी कैलारी गाउँपालिकामा विभिन्न पार्टीहरुको प्रचारप्रसारको गतिविधि तिव्र छ । यसैबीच नेकपा एमालेका तर्फबाट कैलारी गाउँपालिकाको लागि अध्यक्ष पदका उम्मेदवार झुमा चौधरीको लोकप्रियता बढेको देखिन्छ ।
चुनावी प्रचारप्रसारमा रहेकि महिला नेत्री झुमा चौधरीको समर्थनमा युवा युवतीहरुको उपस्थिति बाक्लै देखिन्छ । युवासँगै वृद्धवृद्धाकोपनि साथ पाएकि चौधरीको जितको विषयमा धेरैको आंकलन जितकै पक्षमा देखिन्छ । घरदैलो अभियानमा रहेकि चौधरीले जनतामाझमा आफूसहितको टिमलाई अत्याधिक मतले बिजयी गराउन समेत आग्रह गरेकि छन् ।
कैलारी गाउपालिकामा अध्यक्ष पदका लागी झुमा देबी चौधरी र उपाध्यक्ष पदका लागि जालुराम चौधरीको उम्मेदवारी रहेको छ ।
