डडेल्धुरामा एक युवतीमाथि सामूहिक बलात्कार गरेको आरोपमा तीनजना पक्राउ परेका छन् । पक्राउ पर्नेमा जिल्लाको भागेश्वर गाउँपालिका–३ का २२ देखि २८ वर्ष उमेर समूहका युवा रहेका प्रहरीले जनाएको छ ।
उनीहरूसँगै सामूहिक बलात्कारमा संलग्न भएको भनिएका अर्का एक १८ वर्षीय किशोर भने फरार छन् । उनको खोजी भइरहेको प्रहरीले जनाएको छ ।
२० वर्षीया एक युवतीमाथि फरक-फरक समय र स्थानमा सामूहिक बलात्कार गरेको आरोपमा उनीहरूलाई पक्राउ गरिएको प्रहरीले जनाएको छ ।
डडेल्धुरा प्रहरीकाअनुसार पक्राउ परेकामाथि गत ५ वैशाखमा नानिगाड खोला र गत १२ वैशाखमा साँझ डेकामा रहेको एउटा गोठमा लगेर युवतीलाई बलात्कार गरेको किटानी जाहेरी परेको छ ।
