धनगढी-कैलालीमा बिभिन्न ५ दलले प्रधानमन्त्री केपी शर्मा ओलीको कदमले मुलुक नयाँ राजनीतिक ध्रुवीकरण र जटिलता तर्फ धकेलिएको ठहर गरेका छन्। नेपाली काँग्रेस कैलालीको पार्टी कार्यालयमा बसेको बैठकले प्रतिनिधि सभा विघटनका लाई प्रतिगमन भन्दै समयमा निर्वाचन नगरेर सत्ता टिकाउने रणनीति रहेको आरोप लगाइएको छ ।
संयुक्त विज्ञप्ति जारी गर्दै उनीहरुले ‘राष्ट्रपतिले दोस्रो पटक चालेको प्रतिगामी कदमबाट मुलुक नयाँ राजनीतिक ध्रुवीकरण र जटिलता तर्फ धकेलिएको छ बताएका छन् ।
‘निर्वाचन नगराई आफ्नो निरङ्कुश सत्ता लम्बाउने दुराशयबाट घोषित आम निर्वाचनले कोरोना संक्रमणको महामारीको भयावह अवस्थामा गुज्रिरहेका नेपाली जनाएको जीवनस्तरलाई झन् बढि कष्टकर बनाउँदै मुलुकलाई थप संकटोन्मुख दिशा तर्फ निदृष्टि गरेको छ,’विज्ञप्तिमा भनिएको छ।’
प्रतिनिधि सभा विघटन गर्ने निर्णयले मुलुकमा राजनीतिक अनिश्चय, अन्यौलता र अराजकता निम्त्याउने दाबी पाँच दलको छ । उनीहरुले त्यसको विरोध गर्दै त्यस विरुद्ध उत्रने घोषणा गरेका छन् । बिज्ञप्तिमा समावेशी लोकतन्त्र एवम् राष्ट्रिय हितको रक्षार्थ दृढतापूर्वक अघि बढ्न आग्रह गरिएको छ ।
बिज्ञप्तिमा नेपाली काँग्रेस कैलालीका उपसभापति प्रकाश बम, नेकपा माओवादी केन्द्र कैलालीका अध्यक्ष लाल बहादुर सोडारी, नेकपा एमाले ९माधव समूह ०कैलालीका सचिव बिमल जोशी, जसपा नेपाल कैलालीका अध्यक्ष गया प्रसाद कुश्मी, राष्ट्रिय जनमोर्चा कैलालीका सचिव जगत प्रसाद जोशीले हस्ताक्षर गरेका छन्
