धनगढी-कोरोना नियन्त्रणका लागी जारी बन्दाबन्दीका कारण प्रभावित कैलालीको गौरीगङ्गा नगरपालिकाका स्थानीयलाई राहत वितरण गरीएको छ । अन्य सरोकारवालाहरू सँग समन्वय गर्दै समृद्धि युवा क्लबले हाल सम्म १० घर परिवारलाई राहत वितरण गरीएको क्लबका अध्यक्ष आशिष् उपाध्यायले बताए ।
सहयोग अभियान अन्तर्गत गौरीगङ्गा नगरपालिका वडा नं ६ बनबेहडामा चामल,नुन,तेल र साबुन प्रदान गरीएको उनले बताए ।
बन्दाबन्दीले प्रभावित नागरिकहरूलाई निरन्तर सहयोग गरिने उपाध्यायले बताए । अभियानमा समाजसेवी चक्र बोगटी, खड्क साहु ,पत्रकार सुरत रावत, क्लबका कोषाध्यक्ष खगेन्द्र बोहरा, सह-सचिव अमृता नाथ, सदस्य प्रकाश ओझा, हेमा चौधरीले सहजीकरण गरिरहेका छन् ।
