शनिवार मृत फेला परेकी डडेलधुरा परशुराम नगरपालिकाका—८ जमरानी स्वास्थ्य केन्द्रमा कार्यरत २६ बर्सिया अस्मिता धामीको हत्या भएको भन्दै सुदूरपश्चिम प्रदेश सभा सदस्यहरूले कारबाहीको माग गरेका छन् ।
सोमबारको आठौँ अधिवेशनको १४ औँ बैठकमा तीन जना प्रदेश सभा सदस्यहरूले धामीको हत्या भएको भन्दै छानबिनको माग गर्दै दोषीलाई कारबाहीको माग गरेका हुन् ।
सोमबार प्रदेश सभा बैठक सुरु भए लगत्तै एमालेका प्रदेश सभा सदस्य पठानसिंह बोहरा, माओवादी कुन्ती जोशी र नेपाली काँग्रेसका गोविन्द राज बोहराले घटनाको छानबिन गर्दै दोषीमाथि कारबाहीको माग गरेका हुन् ।
असार २ गते आधारभूत स्वास्थ्य ईकाइ केन्द्र जमरानीबाट कोरोनाको बचत खोप र स्वास्थ्य सामग्री लिएर जोगबुडा अस्पताल पुर्याउन भनी निस्केकी अस्मिताको शव परशुराम नगरपालिका–९ को हट्वानी सामुदायिक वनमा फेला परेको थियो।
