भन्सार कार्यालय दार्चुलामा आयात कम हुँदा राजश्व सङ्कलनमा असर परेको छ। नेपालतिर सडकमार्गको पहुँच विस्तारसँगै भारतबाट समान कम आयात हुँदा राजश्वमा ह्रास आएको हो।
गत वर्ष कोरोना महामारीका कारण पनि राजस्व संकलनमा कमि आएको भन्सार कार्यालय दार्चुलाले जनाएको छ।भारतले व्यापारका लागि वस्तु तथा सेवा शुल्क (जिएसटी) लागू गरेपछि सामान आयात घटेको बताइन्छ।
भन्सार कार्यालय दार्चुलाका अनुसार गत आर्थिक वर्षको ८ महिनामा रु १६ लाख ५६ हजार ९६३ रुपैँया राजश्व सङ्कलन भएको छ। जिल्लाको एक मात्रै भन्सार कार्यालयको रूपमा खलङ्गा रहेको छ।
दार्चुलाको जौलजीवि, दत्तु र सीतापुल भन्सार कार्यालय द्वन्द्वकालीन समयदेखि बन्द छन्।सीमा जोडिएका लाली र तिगरममा भन्सार कार्यायल स्थापना भएको छैन। भन्सार कार्यालय दार्चुलाका कर्मचारी मोहन डोबालले भने, “अहिले भारतबाट जुत्ता/चप्पल चिनी मात्रै आउँछ, अन्य दैनिक उपभोग्य सामानमा खासै भन्सार लगाइएको छैन”, उनले भने, “व्यापारिकरूपमा आउने सामानको मात्रै भन्सार लगाइँदा राजश्व कम सङ्कलन भएको हो।
विगतमा भारतबाट लत्ताकपडा, सिमेन्ट, जस्तापाता लगायतका निर्माण सामग्री आउँदा राजश्व बढी देखिन्थ्यो, तर अहिले सबै सामान नेपालतिरबाटै आउने गरेका कारण पनि राजस्वमा कमिआएको तथा कोरोना महामारीका कारण पनि राजस्व संकलनमा कमिआएको बताइएको छ।
भन्सार कार्यालय दार्चुलाका अनुसार गत आर्थिक वर्षको साउन देखि कार्तिक सम्म नेपाल भारत जोड्ने सिमानाका बन्द हुदा राजस्व संकलन गर्न नसकिएको जनाएको छ।
कार्यालयले मंसिर महिनामा १ लाख २१ हजार २३४ रुपैँया राजस्व संकलन गरेको जनाएको छ। यस्तै पुस महिनामा १ लाख ४४ हजार ३५१ रुपैया माघ महिनामा १ लाख ४९ हजार २८ रुपैँया फागनु महिनामा २ लाख १३ हजार ९४८ रुपैँया तथा चैत्र महिनामा २ लाख ४३ हजार ९९२ रुपैँया राजस्व संकलन गरिएको भन्सार कार्यालय दार्चुलाका कर्मचारी मोहन डोबालले जानकारी दिए।
यस्तै बैशाख महिनामा २ लाख ६४ हजार ८सय रुपैँया जेठ महिनामा २ लाख ३५ हजार ९३९ रुपैँया तथा असार महिनामा २ लाख ८३ हजार ७३४ रुपैँयागरी गत आर्थिक वर्षको ८ महिनामा १६ लाख ५६ हजार ९६३ रुपैँया राजस्व संकलन गरिएको भन्सार कार्यालय दार्चुलाले जनाएको छ।
