कैलालीको भजनी नगरपालिका ३ काँडा गाउँमा वयस्क गोही प्रवेश गरेपछि स्थानीय त्रसित भएका छन् । लगत्तै केही समयपछि उक्त गोहीको उद्धार समेत गरिएको छ ।
केही घण्टापछि सब डिभिजन कार्यालय भजनीद्वारा खटिएको टोलीले गोहीको सकुल उद्धार गरेको हो। उद्धार पश्चात भजनी नगरपालिकाको टिपरबाट गोहीलाई नदीमा लगिएको हो ।
काँडा खोलामा पानीको सतह बढेपछि गोही गाउँ छिरेको हुन सक्ने संरक्षणकर्मी विजयराज श्रेष्ठले बताए ।
समयमै गोही गाउँ छिरेको थाहा पाएका कारण मानवीय क्षति हुन बाट बचेको उनको भनाइ छ । बर्सातको समयमा नदीमा पानीको बहाव बढ्दा गोही तथा विषालु सर्पहरू गाउँ पुग्ने गरेका छन् ।