देवकान्त पन्तको ८५ औं जन्म जयन्ती मनाईयो

संवाददाता

सोमबार, असार २८, २०७८ मा प्रकाशित

डोटेली लोक साहित्यका अन्वेषक साहित्यकार एवं संस्कृतिबिद स्वर्गीय देवकान्त पन्तको ८५औं जन्म जयन्ती कार्यक्रम धनगढीमा सम्पन्न भएको छ ।
हाम्रो संस्कृति हाम्रो पहिचान नेपालको आयोजनामा संस्थाका अध्यक्ष सुरत रावत( डोटेली कान्छा) को सभापतित्वमा भएकोमा कार्यक्रममा बरिष्ठ डेउडा गायक प्राज्ञ नरेन्द्र राज रेग्मी प्रमुख अतिथी रहनु भएको थियो भने साहित्यकार डा. टि एन जोशी विशिष्ट अतिथी रहनु भएको थियो ।
जन्म जयन्ती कार्यक्रममा सु.प. साहित्य समाजका उपाध्यक्ष तिर्थराज पाण्डेय, दलित साहित्य सोपानका अध्यक्ष गणेश नेपाली ,डेउडा प्रतिष्ठानका सचिव भवानी रेग्मी , नेपाल स्वास्थ्यकर्मी संघका डम्बर पुजारा लगायतको उपस्थिति रहेको थियो ।
कार्यक्रममा सहभागी अधिकांश बक्ताले नेपाली साहित्यका एक नक्षत्र स्वर्गीय देवकान्त पन्तले आज भन्दा ३ दशक पहिले डोटेली लोक साहित्यको खोज अनुसन्धानको श्रीबृद्दी गर्नु भएको उल्लेख गर्दै संस्कृतिबिद पन्तको योगदान उच्च प्रशंसा गर्नु भएको थियो । पन्तको योगदानको जति प्रशंसा गरे पनि अधुरो र अपुरो हुने बताउनु भएको थियो । सोही अवसरमा पन्तको सम्झनामा दिप प्रज्ज्वलन कार्यक्रम समेत गरिएको थियो ।
हाम्रो संस्कृति हाम्रो पहिचान नेपालका उपाध्यक्ष बरिष्ठ डेउडा गायक दलबहादुर बोगटीले स्वागत गर्नु भएको कार्यक्रमको सञ्चालन संस्थाका सचिव लोक दोहोरी गायक प्रेम बिबश चन्द ले गर्नु भएको थियो ।