विदेशमा रहेका युवाहरुबाट संकलित रकमबाट खाद्य सामाग्री र शैक्षिक सामाग्री खरिद गरि कैलाली जिल्लाको अत्तरियामा रहेको सुदूरपश्चिम समावेशी विद्यालयलाई सहयोग गरिएको छ । जिल्लाको गोदावरी नगरपालिका – ४ बास्कोटा निवासी सामाजसेवी डिबी मल्लको पहल र हाल कोरीयामा रहेका जोरायल गाउँपालिका – ३ सेगुनीका हर्क बहादुर मल्लको संयोजकत्वमा विदेशमा रहेका ११ जना युवाहरुले संकलन गरेको रकमबाट खाद्य सामाग्री र शैक्षिक सामाग्री खरिद गरि विद्यालयलाई सहयोग गरिएको हो । चामल ४ कट्टा, दाल १० किलोग्राम, तेल ८ लिटर लगायत सोडा साबुन नुन र स्टेसनरीका सामान वितरण गरिएको छ । उक्त सामग्री विद्यालयलाई हस्तान्तरण गर्न समन्वय गरेका विनोद मल्लले २५ हजार रकम बराबरको सामग्री सहयोग गरिएको बताए ।
उक्त सहयोग सामग्री विद्यालयका प्रधानाध्यापक देवी साउँदलाई हस्तान्तरण गरिएको हो ।
सो रकम सहयोग गर्नेमा कामको सिलसिलामा बहराईन रहेका गोदावरी ४ का गणेश मल्ल , साउदीमा रहेका धनगढीका भरत बोहोरा ,साउदीमा रहेका मशुरीयाका मेलन कलेल र काठमाडौका शोमु मोक्ताङ रहेका छन् ।
यस्तै दक्षीण कोरियामा काम गरिरहेका जोरायल गाउँपालिका वडा न ३ का हर्क बहादुर मल्ल , बर्दियाका रमेश थापा , खोटाङका सुदिप राई , कैलाली टिकापुरका कृष्ण कठरीया , कञ्चनपुर झलाईका हेमराज भट्ट र कैलालीकै अत्तरीयामा शेन बोहरा रहेका छन् ।
