थाहा छ

सुनाउने धेरै छन् यहाँ
तर सुन्दिने कोहि छैन
किन कि उ नर्स हो
जस्को लागि बोल्दिने कोहि छैन।

बुझ्नुस् उ नर्स हो
जसको कहि आधार हुन्न
जसको कुनै बिचार हुन्न
जो निस्वार्थ सेवा गर्छ
जसको साथ सरकार हुन्न

हेप्छन् सबले अलौकिक मान्छन्
छुट्टाउछन् जहिले अधिक मान्छन्
बुझ्नुहोस् उ नर्स हो..जसलाई
अहिले खेलौनाको प्रतीक मान्छन्

हो उ नर्स हो
जस्लाई बोल्न आउदैन
हो उ नर्स हो,
जसलाई झुट बोल्न आउदैन
जसलाई बेइमान गर्न आउदैन
हो उ नर्स हो
जसलाई झुटो आश्वासन दिन आउदैन
हो उ नर्स हो
जसलाई जादु गर्न आउदैन
हो उ नर्स हो
जसलाई केही गर्न आउदैन
खाल्ली रित्तो छ जसले जे गर्दा नि हुन्छ
किन कि उ नर्स हो।

हो उ नर्स जसले भेन्टिलेटर र बिरामिको प्रेसर र भोल्युम सन्तुलन गर्दा गर्दै
आफ्नो जिन्दगिको स्याचुरेसन सन्तुलन गर्न बिर्सेको हुन्छ

हो उ नर्स हो जसले औषधि र बिरामिको हेरचाह गर्दा गर्दै आफ्नो खाने लाउने समय बिर्सेको हुन्छ।

हो उ नर्स हो
जसले परिवारको माया सबथोक त्याग्छ
घुम्ने, फेर्ने, रमाउने सारा शोक त्याग्छ
हो उ नर्स हो जसले बिरामिको सेवाको निमित्त
जीवन समर्पित गरि आफ्नो पूरा भोक त्याग्छ।

हो उ नर्स हो जो…
बेसुराहरुलाई आसाको सुर बनिदिन्छ
दुखेको घाउको मलम भरपुर बनिदिन्छ

हो उ नर्स हो जो….
डर कौतुहल्तामा छट्पटीएकालाई सान्त्वना दिन्छ
अथाह पिडामा परेका हरुलाई आफ्नोपना दिन्छ
मान्दैन संकोच राख्दैन रिस बरु अथाह दिन्छ
पिडाको बाँध भत्केका र आसाका दियो निभेकाहरुलाई निस्वार्थ माया प्रेम र औधी हेरचाह दिन्छ

हुदैन तलमाथि एकनास सधै भर दिन्छ
दुस्मन नै भेटिए पनि सैयामा,
राख्दैन रिस सेवा बराबर दिन्छ

किनकि उ नर्स हो
उसमा हिम्मत हुन्छ
साहस हुन्छ।
आफ्नो पीडा भुलेर पनि
अरुलाई खुसी दिन आउँछ।

हो उ नर्स हो जो बाट…
मर्न दिन्न जिउने आसा पुरा सपोट हुन्छ
जस्को शरीर भरी रक्ताम्य,चोटै चोट हुन्छ
कोसिस गर्छ सदैव काममा खटी राख्छ
आफ्नै चोट भुलाएर बचाउने अठोट हुन्छ

हो उ नर्स हो जसले…
दु:खमा साथ दिई खुसिसँग रमाई दिन्छ
छटपटाउन दिन्न कहिले हात समाइ दिन्छ
मनको पीडा रोक्न, हौसलाको वर्षा दिन्छ,
उपहार स्वरुप चन्द्रमा झैं हर्ष थमाइ दिन्छ

किनकि उ नर्स हो
उसमा हिम्मत हुन्छ
साहस हुन्छ।
आफ्नो पीडा भुलेर पनि
अरुलाई खुसी दिन आउँछ।

✍️भोपेन्द्र बुढा घर बाजुरा अहिले Er. Dept. न्युरो अस्पताल काठमाडौं मा कार्यरत छन् ।