दार्चुला –अखिल नेपाल महिला अनेम संघ दार्चुलाले महिला हिंसा निराकरणका लागि जिल्ला प्रशासन कार्यालयमार्फत गृहमन्त्रीलाई ज्ञापन पत्र पठाएको छ ।
महिलामाथि हुने विभिन्न हिंसाका घटनाहरू न्यूनीकरणको मागसहित जिल्ला प्रशासन दार्चुलामार्फत गृहमन्त्री रमेश लेखकलाई ज्ञापनपत्र पठाइएको अनेम संघ दार्चुलाका अध्यक्ष माधवी जोशीले बताउनुभयो ।
प्रहरीकै तथ्यांक हेर्दा पनि महिलामाथि हुने हिंसाका घटनाहरू बढ्दै गएका छन, उहाँले भन्नुभयो, मुलुकमा शान्ति सुरक्षा कायम गर्ने जिम्मेवारी प्रहरी प्रशासनको भएकोले महिला हिंसा निराकरण गर्न, पीडकलाई कडा कार्वाही गर्न र पीडितलाई उचित न्याय र क्षतिपूर्तिको व्यवस्था गर्न ज्ञापनपत्रमार्फत ध्यानाकर्षण गराइएको हो ।
