धनगढी-कैलालीमा अबैध हातहतियार उत्पादन गर्ने उपकरण तथा सामाग्री सहित एक जना पक्राउ परेका छन् । अवैध किसिमका हातहतियार निर्माण एंव मर्मत गर्ने गरेको छ भन्ने गोप्य सुचनाको आधारमा ईलाका प्रहरी कार्यालय चिसापानी कैलाली कार्यालयका कार्यालय प्रमुख प्रहरी निरीक्षक पुष्कर राज पन्तको कमाण्डमा खटी गएको प्रहरी टोलीले जिल्ला कैलाली मोहन्याल गाउँपालिकाबाट अबैध हातहतीयार सहित पक्राउ गरेको हो ।
प्रहरी निरीक्षक पन्तका अनुसार कैलाली मोहन्याल गाउँपालिका ७ गोदामगडाका ५४ बर्षिय कर्ण बहादुर कामीको घरमा खानतलासी गर्दा अबैध हातहतियार मर्मत एंव उत्पादन गर्ने टेगर थान ५, बारुद, भरुवा बन्दुकको नाल थान २,चाँप थान ४,टेगर गार्ड थान २, गज थान १ लगायतका हातहतियार बनाउने अन्य सामग्रीहरु बरामद गरेको हो । बरामद गरिएका सामाग्री सहित उनलाई थप अनुसन्धान तथा आवश्यक कारवाहीको लागी ईलाका प्रहरी कार्यालय लम्कीमा पठाईएको जनाइएको छ।
