धनगढी- भूमि समस्या समाधान आयोग जिल्ला समिति डडेल्धुराको समन्वयमा परशुराम नगरपालिका–१२ नम्बर वडाका ६४ जनालाई जग्गाधनी पुर्जा वितरण गरिएको हो।
जोगबुडा अस्पताल सभा हलमा सुदूरपश्चिमका मुख्यमन्त्री कमलबहादुर शाह, नगर प्रमुखसहित भूमि व्यवस्था कृषि तथा सहकारी मन्त्री वीरबहादुर थापाले मिलेर जग्गा धनी पुर्जा वितरण गरेका हुन्।
त्यसक्रममा सम्बोधन गर्दै मुख्यमन्त्री शाहले हलिया, कमैया, कमलरीहरूको मुक्तिसँगै उनीहरूको व्यवस्थापनमा नेपाली काँग्रेसका सभापति शेरबहादुर देउवाले विगतमा खेलेको भूमिका निकै महत्वपूर्ण रहेको बताए। शाहले संघ सरकारले प्रदेश सरकारलाई पूर्ण अधिकार नदिएको गुनासो गरे। उनले प्रदेशलाई अधिकार सम्पन्न गराए तीन वर्ष भित्र भूमि सम्बन्धी समस्या समाधान गर्ने दाबी गरे।
प्रदेशका कृषि मन्त्री वीरबहादुर थापा, नेकपा माओवादी केन्द्रका संसदीय दलका नेता खगराज भट्ट, परशुराम नगरपालिकाका नगर प्रमुख भरत जोशी लगायतले जग्गाधनी पुर्जा वितरण वितरण गरेका थिए।
