नेपाल युवा संस्था संजाल (आयोन) ले नगरपालिका स्तरीय कार्यक्रम अन्तरगत शुक्रवार गोदावरी नगरपालिकाकी उपप्रमुख रत्ना कडायतसंग छलफल गरेको छ । कोरोना महामारी कायमै रहेका कारण उक्त संस्थाले डिजिटल माध्यमबाट उपप्रमुखसंग गोदावरी नगरभित्र रहेका युवाहरु बिभिन्न सवालहरुमा नगरापालिकाले गरिरहेका कामहरुको जानकारी लिनुका साथै आगामी आर्थिक बर्षको बजेटमा युवामैत्रि बनाउँन आग्रह गरेको छ ।
छलफलका क्रममा उपप्रमुख कडायतले युवाहरुलाई बिकास निर्माणका कार्यक्रममा बढी सहभागीता गराउँने र स्वरोजगार बनाउने गरि नगरपालिकाले काम गर्दै आएको दाबी गरिन् । युवाहरुलाई बिभिन्न प्रकारका सिपमुलक तालिमहरु दिएको र तालिम प्रस्चात उनिहरुले अहिले बिभिन्न काम गरिरहेको उपप्रमुख कडायतले जानकारी दिईन् ।
यस्तै उपप्रमुख कडायतलाई आयोन संस्थाका सदस्यहरुले कोरोना महामारीमा युवाहरुलाई बढी भन्दा बढी प्रयोग गर्न नगरपालिका अग्ररस रहनुपर्नेमा उपप्रमुखको ध्यानाकर्षण गरेको छ । युवाहरुलाई स्वरोगार कसरी बनाउन सकिन्छ ? लक्षित समुहको हकअधिकारको स्वुनिस्चितताका लागि नगरपालिकाले गरिरहेका कामहरुका बारेमा छलफल गर्नुका साथै विभिन्न सुझावहरु दिईएको छ ।
नगरपालिकाको स्रोत ब्यवस्थापनमा युवाहरुको प्रमुख भुमिका हुनुपर्नेमा गोदावरी नगरपालिकाका स्थानिय युवाहरुले जोड दिएका छन् ।
यस्तै सोही संस्थाको आयोजनामा यस अघि धनगढी उपमहानगरपालिका र गौरीगंगा नगरपालिकाका उपप्रमुखहरुसंग पनि युवाहरुका बिभिन्न सवालहरुमा छलफल गरिसकेको छ ।
आयोनले देशभर युवाहरुको स्वरोजगार , राज्यसत्तामा युवाहरुको सहभागिता स्वनिस्चितताका लागी आवाज उठाउनका साथै बिभिन्न काम गर्दै आएको छ । यसका साथै महिला , अपाङ्गगता भएका ब्यक्तीहरु लगाएतका सवालहरुका काम गर्दै आएको छ ।
