लगातारको वर्षातका कारण पहिरो गएपछि सुदूरपश्चिमका सात पहाडी जिल्ला जोड्ने भीमदत्त राजमार्ग अवरुद्ध भएको छ । डोटीको जोरायल गाउँपालिका–१ गैरा नजिक पहिरो गएपछि राजमार्ग अवरुद्ध भएको जिल्ला प्रहरी कार्यालय डोटीका प्रमुख प्रहरी उपरीक्षक दानबहादुर मल्लले जानकारी दिए ।
अहिले डोजर लगाएर राजमार्ग सुचारु गर्ने कार्य भइरहेको छ । पहिरोले राजमार्ग अवरुद्ध भएपछि अहिले तराईबाट पहाडका लागि अत्यावश्यक सामग्री लिएर गइरहेका दर्जनौँ सवारी साधन बिच बाटोमै रोकिएको मल्लले बताए ।
