डोटि–सामाजिक अभियन्ता लक्ष्मी बोगटी कुवर को पहलमा हाम्रो टिम नेपालले डोटिको पुर्बिचौकी गा पा ५ को एक अपाङ्ग परिवार लाई खाद्यान्न सहयोग गरेको छ।
आर्थिक स्थिति कमजोर ,साथमै अपाङ्ग भएर गाउँमा आफुलाई खाने गाँस माग्दै हिडेको बिजोग अबस्थालाई हेर्न नसकेर हाम्रो टिम नेपाल र यु के निवासी तिला कुमारी ले उक्त अपाङ्ग परिवारलाई सहयोग गरेको बोगटिले बताईन। करिब पन्ध्र हजार रुपैयाँ बराबर को खाद्यान्न , लत्ता कपडा र जुता चप्पल सहयोग गरिएको हो।
‘म अहिले आफ्नो माईतिघर डोटिमा छु माईतिघर मा भेट्ने क्रममा एक अपांग आमा नाबालक छोरा छोरी सहित खाने गाँस माग्दै हिडेको देखेर सहन सकेन ,’दैनिक जीवन ड्ट कम सँग उनले भनिन,‘यो अवस्था हेर्दा मनले मानेन अनि फेसबुकमा राखे सहयोगी मनहरुले दिल खोलेर सहयोग गरिदिनु भयो माईतिगाउँ मा सहयोग गर्न पाउँदा एक दमै खुशी छु।
आगामी दिनमा पनि आफ्नो निरन्तर पहल र सहयोग जारी रहने उनले बताइन् साथै सबै सहयोगी मनहरुलाई धन्यवाद समेत दिएकी छ्न।उनलाई सहकार्य, सहयोग भने विदेशमा रहेका नेपालीहरूले गरिरहेका छन् ।
