धनगढी – सेती प्रादेशिक अस्पतालको प्रयोगशालामा गरीएको परीक्षणमा थप १४ जनामा कोरोना संक्रमण पुस्टि भएको छ।पछिल्लो २४ घण्टामा अस्पतालमा १०५ नमुनाको परीक्षण गर्दा थप १४ जनामा कोरोना संक्रमण पुस्टि भएको अस्पतालका सूचना अधिकारी दिलीप कुमार श्रेष्ठले बताए।
उनका अनुसार पछिल्लो २४ घण्टामा अस्पतालबाट ४ जना डिस्चार्ज भएका छन भने थप २ जना नयाँ संक्रमित भर्ना भएका छन्।
हाल अस्पतालमा ११ जना कोरोना संक्रमितको उपचार भइरहेको छ
जसमध्ये ४ जना संक्रमित आईसीयूमा र २ जना भेन्टिलेटरमा उपचाररत छन् । पछिल्लो २४ घण्टामा कोरोनाका कारण कसैको पनि मृत्यु नभएको अस्पतालले जनाएको छ ।
