कञ्चनपुरमा नदिमा डुबेर एक किशोरको मृत्यु भएको छ । बेलडाँडी गाउँपालिका वडा नम्बर १ का १५ वर्षीय करन सुनारको बेलडाँडी गाउँपालिका वडा नम्बर ५ झिलमिला स्थित चौधर नदिमा डुबेर मृत्यु भएको हो।
सोमबार बिहान नुहाउने क्रममा उनी बेपत्ता भएका थिए। उनको खोजी कार्यका लागि सशस्त्र प्रहरीको गोताखोर टोली खटिएको थियो। सोही टोलीले बेपत्ता भएको स्थानबाट नदिमा अन्दाजी २०/२५ फिट तल भुमरीमा काठ तथा तारको जालीमा फसिरहेको अवस्थामा शव फेला परेको सशस्त्र प्रहरी बल नेपाल नम्बर ३५ गण हेडक्वार्टर शैलेश्वरी कञ्चनपुरका प्रमुख सशस्त्र प्रहरी उपरीक्षक वीरेन्द्र बहादुर ऐरले जानकारी दिए।
