अछाममा पहिरोले सुर्खेत जोड्ने सडक अवरूद्ध भएको छ।मध्यपहाडी लोकमार्ग अन्तर्गत कमलबजार नगरपालिका कीर्तिपुरमा पहिरो जाँदा सो सडक अवरुद्ध भएको प्रहरीले जनाएको हो।
अछामबाट सुर्खेत जाने सडक मंगलबार दिउँसो तीन बजेदेखि अवरुद्ध भएको जिल्ला प्रहरी कार्यालय अछामका सूचना अधिकारी जनक बोहराले जानकारी दिए।
उनले लगातार परेको पानीले पहिरो खस्दा सडक अवरुद्ध भएको बताए।अहिले पहिरो हटाउने काम भइरहेको उनको भनाइ छ।
