दलित महिला अधिकार मञ्च नेपालले धनगढी उपमहानगरपालिकाका अति विपन्न कोरोना प्रभावितहरुको लागि नगद तथा स्वास्थ्य सामग्री हस्तान्तरण गरेको छ ।
डि.सि.ए.को सहयोगमा दलित महिला अधिकार मंच नेपाल द्घारा संचालित ड्रफ परियोजना अन्तर्गत संस्थाकी अध्यक्ष सावित्रा घिमिरेले धनगढी उपमहानगरपालिकाकी नगर उपप्रमुख सुशीला मिश्र भट्टलाई उक्त स्वास्थ्य सामग्री हस्तान्तरण गरेकी हुन ।
संस्थाले हस्तान्तरण गरेको स्वास्थ्य सामग्रीमा हाइजिनिक किट १०० बक्स, फेस शिल्ड १०० पीस, थर्मामिटर १०० पीस, डिटोल नुहाउने साबुन १०० पीस, डिटोल एन्टीसेप्टीक २५० एमएल १०० पीस, हायण्ड सेनिटाइजर ५०० एमएल १०० पीस, वासिङ सोप १०० पाकेट, फेस मास्क १०० पाकेट, ग्लोव १०० पाकेट, थर्मस १०० पीस, सेनिटाइजर ५ लिटर १०० पीस, टिसु पेपर १०० पाकेट रहेको छ । संस्थाकी अध्यक्ष घिमिरेले कोभिड–१९ को दोस्रो चरण प्रतिकार्य २०२१ मा अति विपन्न तीन सय कोरोना प्रभावितहरुका लागि धनगढी उपमहानगरपालिका मार्फत स्वास्थ्य तथा सरसफाई सामग्री हस्तान्तरण गरिएको बताइन् । नगर उप प्रमुख सुशिला मिश्र भट्टले स्वास्थ्य सामाग्री उपलव्ध गराउने संस्थालाई धन्यवाद दिईन् ।
त्यसैगरी धनगढी उपमहानगरपालीका वडा नम्मर १८ फुलवारीमा पनि दलित महिला अधिकार मञ्च नेपालले अति विपन्न कोरोना प्रभावितहरुकालागि एकलमहिला ,दलित, बिपन्न परीवार,गर्बवति महिला लाई आई.एम.ई. सेन्टरबाट रु ४ हजार ५ सयका दरले रकम हस्तान्तरण गरेको छ । संस्थाकी अध्यक्ष सावित्रा घिमिरेले प्रभावित परिवारलाई आई.एम.ई. सेन्टर मार्फत रकम हस्तान्तरण गरेकी हुन् । संस्थाले ५ सय अति विपन्न कोभिड प्रभावितहरुलाई ४ हजार ५ सयको दरले रकम हस्तान्तरण गर्ने उक्त अवसरमा जानकारी दिईयो । कार्यक्रममा वडा नं १८ वडा सदस्य गणेश विक , संस्थाकी कोषाध्यक्ष निर्मला विक, सदस्य ईन्द्रा दानपाली,रोहित विक,सृजना पराजुली,राजेन्द्र रैकाको सहभागीता रहेको थियो ।