कोभिड–१९ संकट व्यवस्थापन केन्द्र आफैले यसअघि परीक्षा सञ्चालनको लागि दिएको मोडालीटिमा नै पुनर्विचार गर्न भन्दै पत्र पठाएकाले परीक्षा सर्ने लगभग निश्चित भएको शिक्षा मन्त्रालय स्रोतले जनाएको हो ।
कोरोना संक्रमणको जोखिम दिन प्रतिदिन बढ्दै गएकाले कक्षा १२ को परीक्षा तालिका र मोडालिटीमा पुनर्विचार गर्न भन्दै स्वास्थ्य तथा जनसंख्या मन्त्रालयले कोभिड–१९ संकट व्यवस्थापन केन्द्र९सीसीएमसी० लाई पत्र पठाएको र उक्त पत्रलाई सीसीएमसीले शिक्षा मन्त्रालयमा पठाएको हो ।
सीसीएमसीले पठाएको पत्रमा परीक्षाको समय तालिकामा पुनर्विचार गर्नुपर्ने उल्लेख भएकाले उक्त पत्रलाई शिक्षा मन्त्रालय मार्फत बोर्डमा पठाइको शिक्षा मन्त्रालयका एक कर्मचारीले बताए ।
ती कर्मचारीका अनुसार प्रतिनिधि सभाको शिक्षा स्वास्थ्य समितिले कक्षा १२ का विद्यार्थीहरुलाई खोप दिएर मात्र विद्यार्थीलाई परीक्षामा सहभागी गराउन निर्देशन दिएको छ ।
उक्त समितिले निर्देशन दिएपछि शिक्षा मन्त्रालयले स्वास्थ्य मन्त्रालयलाई पत्र लेखेर विद्यार्थीलाई खोप लगाईदिन आग्रह गरेको छ । तर परीर्थीको संख्या धेरै भएकाले स्वास्थ्य मन्त्रालयले एकै पटक सबैलाई खोप दिन सक्ने अवस्था छैन ।
खोप नदिएपछि परीक्षार्थीहरुलाई भौतिक परीक्षामा राख्न पनि नसकिने भएकाले परीक्षा स्थगित हुने सम्भावना बढेको उनले बताए ।
सीसीएमसीले भौतिक उपस्थितिमा परीक्षा लिन सक्ने अवस्था नदेखिएकाले परीक्षा तालिका र मोडालीटीमा पुनर्विचार गर्न भन्दै पत्र पठाएको उनले बताए ।
राष्ट्रिय परीक्षा बोर्ड १२ को परीक्षा सञ्चालनको विषयमा छलफल गर्न शनिबार ११ बजे बैठक बोलाएको छ । बोर्डका अनुसार यस वर्ष १२ कक्षाको परीक्षा दिन ३ लाख ७४ हजार विद्यार्थीले परीक्षा फारम भरेका छन् ।
त्यस्तै स्वास्थ्य राज्यमन्त्री उमेश श्रेष्ठले सामाजिक सञ्जाल ट्वीटरमा लेखेका छन्, ‘चार लाख विद्यार्थीको जीवनरक्षाप्रति हामी अत्यन्त संवेदनशील छौँ, निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड– १९ संकट व्यवस्थापन केन्द्रलाई सिफारिस गरेको जानकारी गराउँदछु।’
कोभिड–१९ संक्रमण फैलदैं गएको विद्यमान परिस्थितिमा ४ लाख विद्यार्थीको जीवनरक्षाप्रति हामी अत्यन्त संवेदनशील छौं। स्वास्थ्य तथा जनसंख्या मन्त्रालयले निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड–१९ संकट व्यवस्थापन केन्द्रलाई सिफारिश गरेको जानकारी गराउँछु।
