टनकपुरस्थित भारतीयको जंगलमा कञ्चनपुरका एक युवकको शव फेला परेको छ। शुक्रबार राति भीमदत्त नगरपालिका ब्रह्मदेवका २० बर्षीय कमल ओडको शव फेला परेको प्रहरीले बताएको छ।
हत्याको आशंकामा नेपाल प्रहरीले २ जनालाई पक्राउ गरेको छ। पक्राउ पर्नेमा भीमदत्त नगरपालिका ९ का गणेश औजी र भीमदत्त नगरपालिका ब्रह्मदेवका २० बर्षीय मनोज भट्ट पक्राउ परेका हुन्।
भारतीय भूमिमा शव फेला परेको हुँदा शवबारे आवश्यक कानूनी प्रक्रिया एवम् अनुसन्धान भारतीय प्रहरीले नै गर्ने जिल्ला प्रहरी कार्यालय कञ्चनपुरले जनाएको छ।
