म अहिले ५७ वर्षको भएँ । श्रीमतीलाई यौन सन्तुष्टि दिएर खुशी राख्न चाहन्छु । थुप्रै प्रकारका औषधि खाइसकेँ । भियग्रा पनि प्रयोग गरिसकेको छु । भियग्रा विभिन्न नाममा उपलब्ध हुँदो रहेछ । कुनैले काम गरे जस्तो लाग्छ, कुनैले भने काम गरेको जस्तो लागेन । मजस्ता उमेर ढल्केकाले श्रीमतीलाई यौन सन्तिुष्ट दिन के गर्नुपर्ला ? नियमित भियग्रा सेवन गर्दा यसको साइड इफेक्ट हुन्छ कि हुँदैन ?

आफ्नी श्रीमतीको यौन सन्तुष्टिप्रति तपाईंले देखाउनुभएको चासो तारिफयोग्य छ । यसले तपाईंहरूको पारिवारिक तथा यौन जीवन सुमधुर बनाउन सहयोग पु¥याउँछ । ढल्कँदो उमेरमा आउने सक्ने यौन समस्याप्रति तपाईं सजग हुनुहुँदो रहेछ, खुशी लाग्यो । तपाईंको उमेरकाहरूले यौन जीवनलाई सुखमय बनाउन केही विधि अपनाउन सकिन्छ । प्रश्नमा तपाईंले आफ्नी श्रीमतीको उमेर पनि लेख्नुभएको भए मलाई सुझाव दिन अझ सजिलो हुने थियो ।
तपार्इंको उमेरलाई विचार गरेर एक÷दुई कुरा भन्न मन लाग्यो । भियग्रा खानुअघि तपाईंले आफ्नो स्वास्थ्य जाँच गर्नुभएको थियो ? भियग्रा इरेक्टाइल डिस्फंक्सन (उत्तेजना समस्या) का लागि मात्र प्रयोग गरिन्छ ।  यस्तो अवस्थामा, यौन चाहना हुँदाहुँदै पनि सम्भोगका बेला लिंग राम्रोसँग कडा नहुनु वा भए पनि कडा भइनरहनुलाई इरेक्टाइल डिस्फंक्सन भनिन्छ । यस्तो अवस्था धेरै कारणले हुन सक्छ । मधुमेह, उच्च रक्तचाप भएमा, चुरोट बिँडी धेरै खाएमा, थाकेमा, तनावग्रस्त भएमा र अत्यधिक मदिरा सेवन गरेमा पनि लिंग कडा नहुन सक्छ । साथै, अरू कुरा पनि हुन्छन् । तपाईंको उमेरमा पुरुष आफ्नो यौनशक्तिलाई लिएर चिन्ता गर्न थाल्छ । सबैभन्दा पहिले तपाईं आफ्नो सामान्य स्वास्थ्य जाँच गराउनुस् र चिकित्सकको सल्लाहअनुसार भियग्रा लिनै परे लिनुहोला ।
भियग्राले लिंगको उत्तेजनालाई कायम राख्नमात्र मद्दत गर्छ । यौन चाहना बढाउने वा अरू कुरामा यो सहयोगी हँुदैन । धेरै मानिसले भियग्रा मनोरञ्जनका लागि पनि सेवन गर्ने गर्छन् । हामी हरेक कुराको कि त राम्रो पक्ष मात्र हेर्छाैं, कि त नराम्रो मात्र । कुनै पनि औषधि साइड इफेक्ट (प्रतिप्रभाव) रहित हुँदै हँुदैन भन्ने चाहिँ होइन । भियग्राको सेवनपश्चात् तपाईंको जीउ चिलाउन थाल्यो, सास लिन गाह्रो भयो, मुख, ओठ, जिब्रो र खट्टा सुनिन थाले, आँखामा अँध्यारो भयो, कानमा आवाज आउन थाल्यो, लिंगको उत्तेजना चार घण्टाभन्दा बढी भएमा र लिंग दुखेमा तुरुन्त डाक्टरलाई खबर गरिहाल्नुस् ।
मुटुसम्बन्धी कुनै औषधि खाइराख्नुभएको छ भने त्यससँगै भियग्रा खाँदा रक्तचापलाई सामान्यभन्दा धेरै तल पु¥याउन सक्छ । यसका कारण बेहोस हुनेदेखि पक्षघात र हृदयाघातसम्मको खतरा पनि ल्याउन सक्छ । भियग्रा एक पटक खाइसकेपछि २४ घण्टासम्म अर्को पटक लिनु हुँदैन र सम्भोग गर्नुभन्दा आधा घण्टा अगाडि लिनुपर्छ । एक पटक लिँदा एक चक्की (पाँच एमजी) भन्दा बढी लिनु हुँदैन । काम गरेन भनेर एकभन्दा बढी चक्की लिने गरेको पनि पाइन्छ । यसले नराम्रो असर पु¥याउन सक्छ ।
भियग्रा डाक्टरको सल्लाहअनुसार लिने औषधि हो । जथाभावी, आफूखुसी पसल वा औषधि पसलबाट किनेर भियग्रा नखानुहोला । बजारमा यसको माग बढेको हुनाले कमसल खालका भियग्रा पनि पाइन्छन् ।
यौन जीवनको अभिन्न अंग हो । यौनबारे खुलेर कुरा गर्नुस् । आफ्नो डाक्टरलाई सबै कुरा भन्नुस् ।
श्रीमतीलाई यौन सन्तुष्टि दिने सवालमा तपाईंका उमेरकाले भियग्रा नै सेवन गर्नुपर्छ भन्ने केही छैन । सम्भोग भनेको पुरुषको लिंग र महिलाको योनीको घर्षणमात्रै होइन । तपाईं श्रीमतीका स्तन खेलाएर, ‘सक’ गरेर पनि उनलाई सन्तुष्टि दिन सक्नुहुन्छ । फोरप्ले (प्राक्क्रीडा) प्रशस्त गर्नुस् । चुम्बन, आलिंगनआदि पर्याप्त गर्नुस् । ‘बूढो भएँ, कमजोर भएँ, सेक्सका लागि असमर्थ भएँ’जस्ता हीन मानसिकता नपाल्नुहोस् । सय वर्षको मानिसले पनि सेक्स गर्न सक्छ । किनभने, सेक्स शारीरिक क्रियामात्रै होइन, मानसिक क्रिया पनि हो ।