दार्चुलाको दुहूँ गाउँपालिकामा आइतबार आएको बाढी पहिरोमा परी एक जनाको ज्यान गएको छ भने अन्य दुई जना बेपत्ता भएका छन्।दुहूँ गाउँपालिका वडा नम्बर १ बस्पालीका नरसिंह महराको ज्यान गएको हो भने उनकी श्रीमति कौशी देवि महरा बेपत्ता भएका छन्।
दुबैजना श्रीमान श्रीमति मात्रै बसेको अवस्थामा घर पहिरोले पुरिएपछि महरा दम्पत्ती बेपत्ता भएको र नरसिंह महरा भने फेला परिसकेको आफन्त आनसिंह महराले जानकारी दिए। बेपत्ता महराको खोजी भइरहेको छ।
पहिरोले घर पुरिदाँ दुहूँ गाउँपालिका वडा नम्बर ५ दुल्ला बसने मनुवा डडाल बेपत्ता भएका छन् भने उनका श्रीमती उजली डडाल र छिमेकी जनक राम पार्की घाइते भएको छन्।
दुहूँ गाउँपालिकामा बाढी पहिरोले तीन ओटा घरमा पूर्ण क्षेति गरेको छ भने एक दर्जन बढी घरहरुमा आंशिक क्षेति भएको छ। खोलाहरुमा रहेको तीन ओटा झोलुंगे पुलहरु तथा एउटा आरसिसि पुल पनि बगाएकाले आवत् जावत् गर्न समस्या भइरहेको छ। वडा नम्बर ५ मा रहेको कालागाड जलविद्युत् योजनामा पनि क्षति पुर्याएको छ।