प्रहरी बनाइदिन्छु भन्दै ठगी गर्ने युवकलाई प्रहरीले पक्राउ गरेको छ। जिल्लाको धनगढी उपमहानगरपालिका–३ चौराहाबाट बझाङको मस्टा गाउँपालिका–२ का २५ वर्षीय मनोजकुमार सिंहलाई पक्राउ गरेको जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारीले बताए।
उनका अनुसार प्रहरी बनाइदिने भन्दै सिंहले पीडितबाट ६० हजार रकम मागेका थिए। साथै सिंहले रकम नदिए प्रहरीको छनोटबाट फेल गरिदिने भन्दै धम्की समेत दिने गरेको प्रहरीले जनाएको छ। पक्राउ परेका सिंहमाथि ठगी शीर्षकमा मुद्दा दर्ता गरि अनुसन्धान भइरहेको प्रहरी उपरीक्षक अधिकारीले बताए।
