कुनै समयकी सर्वाधिक हिट नायिका निरुता सिंह यतिबेला मुम्बईमा छिन् । लकडाउनका कारण उनीपनि परिवारसँग समय बिताइरहेकी छिन् । निरुताको क्रेज पहिलेजस्तो नेपाली सिनेमामा अहिले छैन ।
हुन त उनी ८ बर्ष नेपाली चलचित्र क्षेत्रबाट टाढा रहिन् । जसका कारण पनि उनको लोकप्रियता घटेको हुनसक्छ । यस्तै अहिले लकडाउनको समयमा निरुता आफ्नै युट्युब च्यानलबाट आफ्ना विगतका भिडियोहरु सार्वजनिक गरिरहेकी छिन् ।
निरुताको युट्युब च्यानलमा उनले विगतमा काम गरेका चलचित्रको छायांकनका विभिन्न दृश्यहरु हेर्न सकिन्छ ।
छायांकनको समयका पर्दा पछाडिका दृश्य समावेश गर्दै निरुताले दर्शकलाई आफूसँग जोड्ने प्रयास गरेकी छिन् ।
साथै, निरुताले घरमै रहन र सुरक्षित रहन पनि अपिल गरिरहेकी छिन् ।