जिल्ला स्वास्थ्य कार्यालय कैलालीले अन्तरक्रिया सहित ८ औँ योजना दिवस मनाएको छ । ‘कोभिड–१९ को महामारी परिवार योजना सेवामा सबैको पहुँच बराबरी’ भन्ने नाराका साथ दिवस मनाइएको हो ।
सामाजिक विकास मन्त्रालयका वरिष्ठ स्वास्थ्य शिक्षा अधिकृत हेमराज खड्काको प्रमुख आतिथ्यतामा सम्पन्न कार्यक्रममा स्वास्थ्य कार्यालयका पब्लिक हेल्थ नर्सिङ निरीक्षक आशा थापाले परिवार नियोजनको अवस्था र प्रयोगबारे कार्यपत्र प्रस्तुत गरेकी थिइन् ।
कार्यक्रममा सहभागी मुस्लिम समुदायका प्रतिनिधिहरूले पनि परिवार नियोजनका साधन प्रयोग गरिरहेको बताएका थिए । कार्यक्रममा सहभागीहरूले अबका दिनमा परिवार नियोजनका साधनहरु आफू पनि प्रयोग गर्ने र अरूलाई पनि यस प्रति आकर्षित गराउने प्रतिबद्धता व्यक्त गरेका थिए । परिवार नियोजन सुपरभाइजर अधिकृत ओलट नारायण चापागाईँ का अनुसार कैलालीमा परिवार नियोजनका साधन प्रयोग दर बढ्दो क्रममा छ ।
कैलालीमा हाल ५० दशमलव ४ प्रतिशत नागरिकले परिवार नियोजनका साधन प्रयोग गर्ने गरेको उनले बताइन् । उनले अझै पनि परिवार नियोजनका साधनको प्रयोग बढाउन ग्रामीण क्षेत्रमा सचेतना मूलक कार्यक्रमहरू सञ्चालन गरिनुपर्ने बताइन् । कार्यक्रम परिवार नियोजन सङ्घ, फाया नेपाल लगायतका संस्थाको सहयोगमा परिवार नियोजन सुपरभाइजर अधिकृत ओलट नारायण चापागाईँले सञ्चालन गरेका थिए ।
