अछाममा एक युवतीमाथि खुकुरी प्रहार भएको छ। शनिबार राति साँफेबगर नगरपालिका–६ भागेश्वरकी २१ वर्षीया शैलेजा आउँजीमाथि उनको घरमै गएर वडा नम्बर ३ सिद्धेश्वरका २२ विजय आउँजीले खुकुरी प्रहार गरेको प्रहरीले जनाएको छ।
घटनापछि गम्भीर घाइते भएकी युवतीको बयालपाटा अस्पतालमा उपचार भइरहेको छ। विजयलाई नियन्त्रणमा लिएर घटनाबारे अनुसन्धान गरिरहेको अछामका प्रमुख प्रहरी नायव उपरीक्षक तलसी अर्यालले बताए।
यस्तै अछाममै बम विस्फोट हुँदा एक जना घाइते भएका छन्। रामारोशन गाउँपालिका–५ पातलमा खेतमा काम गर्ने क्रममा ग्रिनेड बम पड्किँदा ३३ वर्षीय बृख रोकाया घाइते भएका हुन्। उक्त क्षेत्रमा अरू पनि बम राखेको हुनसक्ने भन्दै डिस्पोजल टोली खटाइएको प्रहरी नायव उपरीक्षक अर्यालले जानकारी दिए।
ुशनिबार दिउँसो बम विस्फोट भएको रहेछ,हामीलाई राती ११ बजे मात्रै खबर आयोु,अर्यालले भने, ुसशस्त्र द्वन्द्वका बेला माओवादीको लुक्ने गाउँ रहेछ अन्य बम पनि हुन सक्छन्, हामीले त्यहाँ सुरक्षाकर्मी खटाएका छौँ, घाइते रोकायाको बयालपाटा अस्पतालमा उपचार हुँदै छ।ु
