कैलाली । कैलालीको कैलारी गाउँपालिका–७ मा रहेको मुक्त कमैया शिविरमा भिषण आगलागी भएको छ। आइतबार दिउँसो कारिब १२ बजे देखि बिपतपुर शिविरमा आगलागी भएको हो ।
आगलागीबाट बस्तीका ७३ घरधुरी जलेर नष्ट भएका छन् । ‘गहुँ थ्रेसर लगाएर भित्र राखेको मात्र के थियौं , खरानी भयो । न अन्न किन्नको लागि पैसा जोगाउन सकियो न खानलाई अन्न नै बाकी रह्यो ।’ घर जलेको ब्याथा सुनाउदै सन्दिपले भने, `भान्सामा भएको नुन देखि दराजमा राखेको सुन सम्म जल्यो।´
आगलागी नियन्त्रणका लागि सशस्त्र प्रहरी बल नेपाल नम्बर ३४ गण हेडक्वाटर कैलालीको टोली, कैलाली प्रहरी, स्थानीय र ३ ओटा दमकलको प्रयासमा पनि हम्मे हम्मे भएको थियो । १२ बजे सल्किएको आगो साझ ५ बजेसम्म पनि नियन्त्रणमा आउन सकेको थिएन । गहुँको नरुवाबाट आगो घरमा सल्किएको स्थानीयहरुले बताए।
