• ताजा

ताजा अपडेट

दुर्गम गाउँमा सुविधा सम्पन्न स्वास्थ्य भवन निर्माण
    •
गर्भपतन गराउने किशोरीमा चुनौती कायमै
    •
अभियुक्तलाई उन्मुक्ति दिएको आरोप
    •
‘स्वच्छ खाना र सुखद भविष्य’को नारासहित बेदकोटमा ४५ औं विश्व खाद्य दिवस भव्यताका साथ सम्पन्न
    •
डडेल्धुरामा ‘खुला वडास्तरीय भलिबल महासंग्राम’: ४० हजार प्रथम पुरस्कार
    •
सुदूरपश्चिम प्रहरीको नेतृत्वमा डीआईजी ओम बहादुर राना
    •
स्थानीय तहमा करारदेखि सल्लाहकारसम्मको भार
    •
पालिका अध्यक्षको घरमा सरकारी खर्चमा एसी
    •
धनगढीमा दर्ताविहीन फार्मेसी र क्लिनिकलाई स्वास्थ्य कार्यालयको चेतावनी
    •
Advertisement

सुदूरपश्चिममा सवारी चाप बढेको बढ्यै, सडक संरचनाले धान्नै मुस्किल

  •  संवाददाता
    • शनिबार, साउन २८, २०७९ मा प्रकाशित
    Advertisement
    Advertisement
    Advertisement
    • अ
    • अ
    • अ

    धनगढीः सुदूरपश्चिम प्रदेशभित्र पुरानो सडक संरचनाले धान्नै नसक्ने गरी सवारीसाधनको चाप बढेको छ। प्रदेशभित्र सवारी चाप १७ प्रतिशले बढेको हो। प्रदेशको तराई जिल्ला कैलाली र कञ्चनपुरमा सवारीसाधनको चाप सबैभन्दा उच्च देखिएको छ।

    बैंक तथा वित्तीय संस्थाहरुले सवारीसाधन खरिदमा फाइनान्सको सुविधा दिएपछि सवारीसाधनसँगै सवारी चालको संख्यासमेत बढ्दै गएको हो। सबैभन्दा बढि कैलाली र त्यसपछि कञ्चनपुरमा सवारीको चाप बढेको छ। पहाडी जिल्लाका ग्रामीण बस्तीसम्म सडक विस्तारसँगै सवारीसाधनको संख्यामा समेत वृद्धि हुँदै गएको देखिएको छ।

    तर, प्रदेशको सडक संरचनाले धान्नै नसक्ने गरी सवारीसाधनमा भएको वृद्धिले दुर्घटना बढ्दै गएको सुन्दर सुदूरपश्चिम यातायात प्रालिका अध्यक्ष पदम सापकोटाले बताए। उनले भने, ‘सडक संरचना पुरानै छ। तर, सवारीको चाप वर्षेनि बढ्दै गएका कारण दुर्घटना हुनेक्रम समेत बढेको छ,’ उनले थपे, ‘यसअघि सडकमा ट्राफिक चिन्ह राख्ने गरेको भएपनि पछिल्लो समय यस विषयप्रति पनि बेवास्ता गरिएको छ।’ सडक क्षमताले धान्नै नसक्ने गरी ठुलो तथा साना सवारीसाधनको संख्यामा अत्याधिक रुपमा वृद्धि भएको उनको भनाइ छ।

    सुदूरपश्चिम प्रदेशभित्र आर्थिक वर्ष २०७७÷७८ को तुलनामा आर्थिक वर्ष २०७८÷७९ मा सवारीसाधनको संख्यामा १७ प्रतिशतले वृद्धि भएको छ। सो अवधिसम्म एक लाख ६० हजार ७ सय सवारीसाधन प्रदेशभित्र सञ्चालनमा रहेको देखिएको छ। प्रदेशभित्र सवै प्रकृतिका सवारीसाधनको संख्यामा वर्षेनि उल्लेख्य रुपमा वृद्धि हुँदै गएको तथ्यांकले देखाएको छ। अबको ५ वर्षपछि आवश्यक पर्ने सवारीसाधन अहिले नै बढेपछि दुर्घटनाको जोखिम बढेको यातायात व्यवसायीको गुनासो छ।

    पछिल्लो एक वर्षको अवधिमा प्रदेशभित्र सबैभन्दा बढि मोटरसाइलको संख्यामा १५ दशमलव ४१ प्रतिशतले वृद्धि भई मोटरसाइकलको संख्या एक लाख ३२ हजार पुगेको छ। अन्य सवारी साधनको संख्यामा पनि सबैभन्दा बढि अर्थात २१ दशमलव ११ प्रतिशतले वृद्धि भई २८ हजार २ सय पुगेको छ। प्रदेशभित्र सञ्चालित बैंक तथा वित्तीय संस्थाहरुले सवारी कर्जा तथा फाइनान्सको सुविधा दिने अवस्थाका कारण पनि साना, हलुका तथा ठूला सवारीसाधनको संख्या वर्षेनि बढ्दै गएको देखिएको छ। पुरानो सडक संरचनामा यातायातका साधन थप गर्दै जादा व्यवस्थापनमै समस्या भइरहेको छ।

    कैलालीमा मात्रै एक लाख सवारीसाधन दर्ता भएको देखिएकाले ट्राफिक व्यवस्थापनमा समेत समस्या हुने देखिएको जिल्ला ट्राफिक प्रहरी कार्यालय कैलालीका प्रमुख वकिल सिंहले बताए। उनले भने, ‘सडक संरचना पुरानो छ। भएको सडकमा पनि खाल्डैखाल्डाका कारण समस्या छ भने पछिल्लो समय अटोरिक्सामा देखिएको वृद्धिले झन समस्या बढ्दै गएको देखिन्छ।’

    सुदूरपश्चिम प्रदेशभित्र सवारी कारोवार बढेसँगै एकपछि अर्को विभिन्न ब्राण्डका सवारी शोरुम खुल्ने क्रमसमेत बढेको छ। प्रदेशभित्र वार्षिक १५ अर्वभन्दा बढिको अटो कारोबार हुने गरेको व्यवसायीको अनुमान छ।

    शनिबार, साउन २८, २०७९ मा प्रकाशित
    Advertisement
    Advertisement
    तपाईको प्रतिक्रिया
    Advertisement
    Advertisement