धनगढी- कैलालीको चुरे गाउँपालिका अध्यक्ष चक्र बोगटीले जनताले रुचाएको  इमानदार नेतालाई टिकट दिनुपर्ने बताएका छन्। सोमवार सामाजिक सञ्जाल फेसबुकमा स्ट्याटस लेख्दै अध्यक्ष बोगटीले मङ्सिर ४ गतेका लागी तोकिएको सङ्घ र प्रदेशको निर्वाचनमा पहुँच र पैसाको बलमा नभई पार्टीले सही उम्मेदवारलाई टिकट दिनु पर्ने बताएका छन् । ‘राजनीतिक दल चुनावी नारामा मात्र सीमित हुन्छन्।जिती सके पछि देश,जनता बिर्सने चलन छ ५०⁄६०वर्ष भयो संसारमा स्वतन्त्र भएका देशहरू आज विकसित देश हुँदै समाजवादतिर उन्मुख भइसके नेपालमा भागबन्डा,भ्रष्टाचार आफन्तको व्यवस्थापन गर्न ठिक्क हुन्छ,’उनले लेखेका छन् ।

पार्टीले सही उम्मेदवार नछान्दा र जनताले बिकासप्रेमी उम्मेदवार नचिन्दा जनभावना अनुसारको काम नभएको उहाँको भनाइ छ । ‘नेताहरू जनताले हामीलाई जे गर्न पनि छुट छ भन्ने सोच्छन् ।जनताले पनि आफ्नो अमूल्य भोटको दुरुपयोग गर्छन्,रक्सी खाएर पैसालिएर भोट बिक्री गर्छन्,’उनले आफ्नो फेसबुक वालमा लेखेका छन् ।

https://m.facebook.com/story.php?story_fbid=1129081741326886&id=100026752130662
निर्वाचनको जग नै कमजोर भएपछि र सरकारमा चोर भ्रष्टाचारी,नातावाद कृपावाद,राष्ट्रघाती गरिबमारा पुग्ने गरेकाले देश बिकास हुन नसकिरहेको उहाँको भनाइ छ ।

‘यसरी कहाँबाट राम्रो सरकार बन्छ रु कहाँबाट देश बन्छ रु कहाँबाट जनताले मुक्ति पाउँछन् रु वारिमा मकै रोपे मकै हुन्छ धान रोपे धानै फल्छ  ।त्यस्तै हामीले नराम्रो मान्छे नराम्रो पार्टी जिताए भने राम्रो कल्पना गर्नु हामी जनताको पनि त्यतिकै दोष छ।पार्टीले टिकट दिँदा पनि पैसाको बलमा होइन नेताको पहुँचको होइन । जनताले रुचाएको व्यक्तिलाई इमानदार नेतालाई टिकट दिनु पर्छ।जनताले सही मूल्याङ्कन गरी सही पार्टीको सही उम्मेदवार लाई विजय गराउनु पर्छ ।नत्र भने बेल पाक्यो कागलाई हर्ष न विषम भने जस्तो हुनेछ,’उनले लेखेका छन् ।