कैलालीको घोडाघोडी नगरपालिकाको नेविसंघको नगर संयोजकमा दीपेश बोहरा मनोनीत भएका छन् । नेपाल विद्यार्थी सङ्घ (नेविसंघ) जिल्ला अध्यक्ष मनिष कुँवरले उनलाई मनोनीत गरेका हुन् । नगरपालिकामा सङ्गठन विस्तार र संयोजनका लागि बोहरालाई नियुक्त गरिएको हो ।
नेपाल विद्यार्थी सङ्घको विधान २०२७ को छैटौँ संशोधन २०७५ बमोजिम दीपेश बोहरालाई नेपाल विद्यार्थी सङ्घ घोडाघोडी नगरपालिकाको संयोजकको जिम्मेवारी दिइएको हो । नगरमा शिक्षाका सवाल, विद्यार्थीका समस्या समाधान, हकहित र सङ्गठन विस्तारका लागि काम गर्ने संयोजक बोहराले बताए । नेपाल विद्यार्थी सङ्घ (नेविसंघ) नेपाली काँग्रेस सम्बद्ध विद्यार्थी सङ्गठन हो ।
