धनगढी -कामना सेवा विकास बैङ्क अत्तरिया शाखाले कैलालीको गोदावरी नगरपालिका स्थित दुर्गा लक्ष्मी बहुमुखी क्याम्पसमा एक दिने वित्तीय साक्षरता कार्यक्रम सम्पन्न गरेको छ ।
बैङ्कले व्यवस्थापन संकायका विद्यार्थीलाई सुरक्षित भविष्यको सुनिश्चितता गर्दै सही वित्तीय निर्णय गर्न शिक्षित र सशक्त बनाउने योजनाका साथ कार्यक्रम गरिएको अत्तरिया शाखा प्रमुख खेमराज भण्डारीले बताए ।
कार्यक्रममा सहभागीलाई बैङ्कका कर्मचारीले वित्तीय व्यवस्थापन, बचत र खर्चको व्यवस्थापन, डिजिटल बैङ्किङ, डिजिटल बैङ्किङमा अपनाउनुपर्ने सतर्कता लगायत विषयमा साक्षरता प्रदान गरेका थिए ।
उक्त कार्यक्रममा बैङ्कका रिजिनल सपोर्ट हरिस अवस्थी ,सेवा प्रबन्धक सीता कुमारी धामीले आधुनिक बैङ्किङ उत्पादन उपयोगबारे जानकारी प्रदान गरेका थिए ।
