काठमाडौँ-आज दिउँसो पहाडी भू-भागका केही स्थानमा मेघ गर्जनसहित वर्षा हुने सम्भावना छ । मौसम पूर्वानुमान महाशाखाका अनुसार आज दिउँसो देशभर बदली हुने छ ।
हाल देशमा पश्चिमी न्यून चापीय प्रणालीको प्रभाव रहेको छ । अहिले पहाडी भू-भागमा बदली भइरहेको महाशाखाले जानकारी दिएको छ ।
भोलि प्रदेश १, प्रदेश २, बागमती, गण्डकीलगायत प्रदेशका केही स्थानमा मेघ गर्जनसहित पानी पर्ने सम्भावना छ ।
त्यस्तै बुधबार देशका केही भू-भागमा मेघ गर्जनसहित वर्षा हुन सक्ने महाशाखाको पूर्वानुमान छ ।
