कैलालीको अत्तरियामा रहेको मालाखेती अस्पताललाई अक्सिजन सिलिण्डर सहयोग गरिएको छ । ‘मानवका लागी मानवियता’ भन्ने मुल नाराका साथ जनता बचाउ सुप युवा सहयोग अभियानले बुधबार अस्पताललाई अक्सिजन सिलिण्डर सहित अन्य स्वास्थ्य सुरक्षाका सामग्रीहरु सहयोग गरेको हो ।
अस्पतालमा कोरोनाका बिरामीहरुको सहज रुपमा उपचार होस भन्ने उद्देश्यले कोभिड – १९ आईसोलेसन वार्डमा आवश्यक पर्ने अक्सिजन सहित अन्य स्वास्थ्य सुरक्षाका सामग्रीहरु सहयोग गरेको अभियानका अभियान्ता निर्मल बिष्टले बताए ।
‘नयँ भेरियन्टको दोस्रो लहरको कोरोनाको महामारीका बिच अक्सिजन अभावले गर्दा यहाँका धेरै नागरिकहरुले अकालमै ज्यान गुमाए’ उनले भने ‘अक्सिजन अभावकै कारण कसैले पनि अकालमै ज्यान गुमाउन नपरोस भनेर अनलाईनमार्फत नै सबै साथीहरुको सहयोगले सामग्री हामीले अस्पताललाई सहयोग गरेका हौ ।’
कोरोना महामारीका बिच विदेशमा रहेका आफ्ना साथीहरुको मुख्य सहयोगले आफुले अस्पताललाई उक्त सामग्रीहरु उपलब्ध गराएको उनले बताए ।
अभियान अन्तरगत ७ थान अक्सिजन सिलिण्डर, सेनिटाईजर (सानो) ४ बोतल, सेनिटाईजर (ठुलो) २५ लिटर, पिपिई सेट ५ थान, डिस्पोजल ग्लब्स २ सय जोडी, सर्जिकल मास्क १ हजार ७ सय ५० पिस र फेस सिल्ड ३० वटा अस्पताललाई सहयोग गरिएको थियो ।
सहयोग गरिएको उक्त सामग्री अभियानका संयोजक निर्मल विष्टले गोदावरी नगरपालिकाका नगरप्रमुख हरि सिँ साउँदलाई हस्तान्तरण गरेका थिए ।
सामग्री हस्तान्तरण पश्चात बोल्दै नगरप्रमुख साउँदले युवाहरुले आफ्नो क्षेत्रका लागी गरेको सहयोग सह्रानिय रहेको बताए । यु्वाको भुमिकाले नै समाजले विकाशमा तिब्रता पाउने बताउदै उनले आगामी दिनहरुमा पनि समाजको हितका लागी कार्य गर्न आग्रह गरे ।
