सुदूरपश्चिम प्रदेशका मुख्यमन्त्री त्रिलोचन भट्टले प्रदेश सभामा विश्वासको मत प्राप्त गरेका छन । मङ्गलवार प्रदेश सभाको बैठकमा भएको मतदानमा मुख्यमन्त्री त्रिलोचन भट्टको पक्षमा ३० मत र विपक्षमा ९ मत परेको छ ।
मतदान पछि सभामुख अर्जुन थापाले प्रस्तावको पक्षमा परेको ३० मत प्रदेश सभाको बहुमत भएकाले मुख्यमन्त्री त्रिलोचन भट्टलाई बैठकबाट विश्वासको मत प्राप्त भएको घोषणा गरेका छन् । आजको बैठकमा नेपाली काँग्रेसका १२ जना प्रदेश सभा सदस्य मतदानमा सहभागी भएका थिएनन् । यो सँगै भट्ट नेतृत्वको सरकारको सङ्कट हटेको छ ।
