कैलालीको धनगढी उपमहानगरपालिका–२ कृष्णनगर टोलबाट ६ ग्राम १ सय ७५ मिलिग्राम ब्राउनसुगर, ६ ट्याब्लेट नाईट्रोभेट र १ थान डिजिटल तराजुसहित ३ जनालाई प्रहरीले पक्राउ गरेको छ ।
पक्राउ पर्नेहरुमा धनगढी उपमहानगरपालिका–२ का २५ वर्षीय सञ्जिव सिंह, स्थानीय २० वर्षीया मैना साउद र त्यहाँ डेरा गरी बस्ने बैतडीकी ३५ वर्षीया लक्ष्मी भट्ट रहेका छन् । उनीहरुले लक्ष्मीको कोठाबाट लागूऔषध कारोबार गरेको प्रहरीको प्रारम्भिक अनुसन्धानबाट खुलेको छ ।
