सिङगिङ रियालिटी शो ‘भ्वाइस अफ नेपाल’मा सहभागी भएका प्रतिस्पर्धी धर्मेन्द्र सुनार र किरण गजमेरको गीत ‘नदेखिन्या घाउ’ सार्वजनिक भएको छ । किरणले यस अघि गीत सार्वजनिक गरिसके पनि धर्मेन्दको भने यो पहिलो गीत हो ।
लेखु सहयात्रीको शब्दमा करणराज कार्कीको संगीत भरेका छन् । ए वन म्युजिसियन स्टुडियोमा रेकर्ड गरिएको गीतको संगीत संयोजन र ध्वनी सम्पादन देवेश राईले गरेका छन् ।
गीतको भिडियोमा सशस्त्र प्रहरी निरीक्षक पृथ्वि खनाल र देवेन्द्र बब्लुसँगै संगीता थापा र सौरभ तिमल्सिनाको अभिनय गरेका छन् ।
वैदेशिक रोजगारीमा जान खोज्दा मेनपावर कम्पनीबाट ठगिएपछिको पीडा गीत र भिडियाले समेटेको छ ।
मौसम हिमालीको निर्देशन रहेको गीतको भिडियो छायांकन पिटर गुरुङले गरेका हुन् भने सम्पादन विष्णुहरी तिमल्सिनाले गरेका छन् ।
