सुदूरपश्चिम प्रदेशमा बिहिबार ४९ जनामा कोरोना संक्रमण पुष्टि भएको छ। पछिल्लो २४ घण्टामा १ हजार ८८ नमूनाको कोरोना परिक्षण गर्दा ४९ संक्रमित थपिएका हुन।
जसमा पिसिआर बिधिबाट १ सय ६७ नमूनाको परिक्षण गर्दा ३२ जना र एन्टीजेन बिधिबाट ९ सय २१ नमूनाको कोरोना परिक्षण गर्दा १७ जनामा संक्रमण पुष्टि भएको हो।
यो संगै प्रदेशमा कुल कोरोना संक्रमितको संख्या ४३ हजार ७ सय ७४ पुगेको छ।जसमध्ये ३४ हजार ९ सय ३ जनाले कोरोना जितेका छन।प्रदेश स्वास्थ्य निर्देशनालय डोटीका अनुसार पछिल्लो २४ घण्टामा २० जनाले कोरोना जितेका छन।
प्रदेशमा पछिल्लो २४ घण्टामा कसैको पनि कोरोनाका कारण ज्यान गएको छैन। प्रदेशमा कोरोनाका कारण ज्यान गुमाउनेको संख्या ५ सय ७० रहेको छ।
