कञ्चनपुरमा हराएको पर्स भेटाएर सम्बन्धित व्यक्तिलाई बुझाउने भारतीय अटो रिक्सा चालकलाई पुरस्कृत गरिएको छ ।
भारतबाट पेन्सन बुझेर फर्किने क्रममा भीमदत्त नगरपालिका(२ मौलियाका ४४ वर्षीय भुपेन्द्रसिंह बिष्टको हराएको पर्स बुझाउने भारतीय नागरिक ओमप्रकाश विजय पाललाई पुरुस्कृत गरिएको हो ।
सशस्त्र प्रहरी बल नेपाल नम्बर ३५ गण शैलेश्वरीले अटो चालकलाई पर्स भेटाएर बुझाएको भन्दै एक हजार ६ सय रुपैयाँ पुरस्कार स्वरुप दिएको जनाएको छ ।
बिष्टको पर्समा भएका १८ हजार भारतीय रुपैयाँसहित एनएमबी र एनआईसीए बैँकको एटीएम कार्ड र दुईवटा क्यान्टिन कार्ड जस्ताका त्यस्तै अटो चालक पालले बुझाएका थिए ।
